Tuesday, May 25, 2010

LIMO (5) GAME PEMES MASO KOCIK...

Korang ingat tak maso korang kocik2..apo pomainan yang pemos sekali...den ari tu buek sovey kek kawan2 sokolah lamo den...ni dio limo (5) game yg pemos maso kito kocik2 dulu...
1. main polis n thieves...
- kalo game ni solalu eh budak laki yo nak jadi polis..konon eh nak jadi hero...pirah..den yo selalu jadi poncuri...hahah..lawak toi main game ni..bilo kalah den baling polis ngan silipar...padan dek muko eh..
2. main baling silipar..
- namo eh pon dah pemos kan..baling silipar...mano nak cari silipar time main game ni..aaa..jawapan eh silipar kek masjid lah..apo laei..toutamo eh kek kampung den...dulu umah arwah nenek den dokek ngan masjid...potang2 yo den ngan dak2 kampung curi silipar..tapi lopeh tu pulang balik..baik kan..apo x eh...kono pakso kek bilal..hahaha..time game ni sakit sikit lah..apo x eh..kalo kalah kan konon di baling silipar...itu x po..ado yg baleh2 dondam baling silipar tu..hahah..balik yo bongkak sano sini...
3. main pondok2 atau lobih pemes main kawen2..
- ini dak laki pompuan suko main...yolah dapek jadi laki bini..ayah omak lah..macam..ambik ko..bilo bosar duk bocorito jadi bahan...ahahah..klaka..
4. main lobang tikus...
- tak tau lah korang ingat ko x...tapi game ni leh tahan gak lah...sonok main game ni..tapi raso eh game ni dah pupuh dah...sobab eh den x nampak pon dak2 skunk main game ni..yolah kn diaorg skunk ni main game dlm umah yo...huhuh
5.last sokali game batu somban (batu selembang)
- game ni sampai skunk pemes laei...sampai kan dak2 skunk ajar org2 macam kito ni..yolah kito pn dh hampir2 lupo game ni..kdg2 skill dh bokarat nak buek cam no..sibuk kojo duo puluh ompek jam(24 jam)...

k lah nnt den up date laei yo...bye..

0 comments:

 

Blog Archive

hari istimewaku

Lilypie - Personal pictureLilypie Kids Birthday tickers Daisypath Anniversary tickers Daisypath Anniversary tickers

kad raya

suara hatiku

klik-klik

Blogku lg

misscomot....